já ég er nú enginn fyrirmyndarbloggari en ákvað nú samt að skrifa svona einstaka sinnum.

Ég sótti um "Volcanic field school" við Fairbanks háskólann í Alaska. Mig hefur dreymt um að komast til Kamchatca svæðisins frá því að ég var að vinna á Litla ljóta andarunganum þegar ég var um 21 árs. Núna 10 árum síðar lítur út fyrir að ég sé að fara.

Það voru nú einungis 10 manns sem sóttu um/komust inn að þessu sinni. Ég þurfti að fylla út 6 blaðsíðna umsókn um fyrri störf og reynslu auk þess að senda meðmælendabréf frá prófessor skólans sem ég hafi verið í. Sendi fyrrverandi leiðbeinanda mínum, Ármanni Höskulssyni, fyrir Bs-verkefnið fyrirspurn um hvort hann væri til í að skrifa mér meðmælendabréf og hann tjáði mér að hann myndi senda hans bestu meðmæli. Hvað það nú merkt var ég nú ekki alveg viss um þar sem ég fékk nú enga 10 fyrir verkefnið:) en svo kom fyrir að ég komst inn í þennan hóp og er að fara núna 14.Júlí til Rússlands.

Leiðbeinandinn í ferðinni er John Eichelberger og Rússi að nafninu Pavel Izbekov. Við förum á viku námskeið í Petrovavlovsk háskólanum á Kamchatca. Námskeiðið heitir "Russian Bridge" og er einhverskonar skyndikynning á öllu því sem viðkemur Rússlandi. Saga, hagkerfi, tungumál, landafræði og jarðfræði. Verður alveg einstaklega fróðlegt. Verðum við þátttakendur þar að segja í fjölda kúrsa. Tel ég að þessi kúrs hafi verið gerður fyrir okkur og taka háskólastúdentar þátt í því að kynna land sitt og þjóð.

Þegar þessi viku sögustund er lokið förum við í hálfsmánaðar göngu um syðri hluta Kamchatca skagans og er ómögulegt er að snúa við nema þá ef um alvarleg slys ber á góma.

Við kynnumst helst svæðinu í kringum eldfjöllin Gorely og Mutnovsky. þar munum við kanna "recently active vents of the volcanoes as well as fumaroles, lava flows, pyroclastic flows, and a geothermal field".